Chlämmerlisäck

Bem Pulverturm do wärde Fundamänt historisch gschötzt
Mer froge eus im Ärnscht was das der Nachwält nötzt
Wäge dere Gruebe macht de Stadtroot es huere gschiis
Für alti Schissileitige gehts denn nie de Wakkerpriis

De Bus fahrt läär vo Hinterklapf bis uf Oberarth
Of der Linie 2 gets Gäld ou wenn der Bus ned fahrt
Ali zahle chräftig mit Post het sich do dra gwöhnnt
Drom wärde jetzt statt Subventione Postouto verbrönnt

Bem Doppelstöcker Pannezug wählt d’SBB voll Stolz
Öb rot wyss schwarz, Stoffsitz Polster oder Holz
Pressekonferänz mit Bombardier die bringt ned s’gringschte
Die nöchschti Lieferig chonnt a der Wiehnacht oder Pfingschte

D’Regierigsröti Roth wott eusi Spitäler reorganisiere
In Zofige wird de Scheiche gflickt, in Aarau macht me d’Niere
Fählts im Grind besch z’Köngisfälde, jetzt het me z’Aarau onde
Ou für d’Roth ihri leschti Rolle bim Bestatter gfonde

Das Trampeltier vo Amerika isch berotigs resistänt
Är frogt wenn denn, nur der russisch Presidänt
Är grift zem rote Telifon -hello- isch öper draa
Ich sött vo dir die Plän vo der Berliner Muur no haa

Gmeindrotskrise im Wiggertal de Kelch wird wiiter greicht
Nach Strängubach und Brittnau, hets jetzt ou Wigge breicht
Dossie gönd vo Hand zo Hand de Gmeindrot dä suecht Nöchi
Statt s’Vertroue wachst in Wigge nor das Huus i d‘Höchi

Zofige als Zentrums-Stadt im Wiggertal z’mitzt drinn
Macht do die Wirtschaftsvörderig vom Brändle wörkli Sinn
Die Elite vo Zofige finde mir Sack-Schwach
Drum bringe mir e Füürwehr-Kommandant vo Strängubach

Als Politiker in Bärn lüügt är krass nach Note
Gohts om sini Wahl denn göut si nömme d’Frauequote
Trotzdem wird de Wermuth vo de Genosse no portiert
No nie im Läbe gschaffet, jo är weis wes funktioniert.

D ‘ Peschtärzt
Z’Zofige bruucht s‘Taxigwerb en städtisch‘ Lizenz,
de Stadtrot wott ke Wöudwochs, das esch d’Konsequenz,
wo de Stadtrot au no chönnti interveniere,
s‘Coiffeurgwerb wär drengend z’konzessioniere.

S‘findet z‘Zofige s’kantonale Schwingfescht statt,
schwenge em Sägmäu of Bsetzistei – das werd glatt,
gmäss de Guyer müesste de aber diä Böse,
vor jedem Gang es göltigs Parkticket löse.

Me cha sech jo über vell Gedanke mache,
Klimawandel, Brexit, Schwiiz-EU, söttig Sache,
z‘Zofige interessiert es Thema no vöu meh,
hett öpper ächt dä cheibe Piazza-Heerus gseh?

Dä Brexit Stritt get öis so langsam of d’Närve,
D’EU ond d’Brite tüend sech met Dräck bewärfe,
d‘ Italiäner aus Vermittler – ganz em vertroue,
die wüsse au ned wie me cha Brogge baue.

Was onderscheidet d’Mönschheit vom Schimpans,
Es send d’Hemmige ond öppis met em fehlend Schwanz,
Wobi me säge muess, e de katholisch Chele gets so Lüt,
die underscheidet vom Schimpans em Grond gno nüt.

Bem Skirönne do gsehn i doch gopfertami,
s’ fahrt eini em Schwyzerdress ond heisst Berhami,
sie isch im Ziel, Beschtzyt eigentlech wärs vollbracht,
jetz hoff i, dass sie ned no en Doppeladler macht.

Wotsch d’Brasialianer be däm Fuessball lennge,
Längt de Doppeladler ned, muesch de Neymar gengge.

Velofahre z’ Paris so of de gröschte Gass,
Champs Élysée s’het vell Lüt s‘ isch e riese Spass,
Plötzlech gets vo vorne Tränegas voll es Gsecht,
En Chnöppel obedruf – das isch doch ned ganz decht,
He i erklärs der mol du Polizeschte Clown,
das esch doch Tour de France ond das mis Maillot Jaune.

För de Wermuth müesst d’Politik en Frouequote akzeptiere,
aber nor denn, wenn är säuber ned vor hett z’kandidiere,
glich absurd wär, wenn d’SVP wördi för en Frouequote brönne,
ond scheckt debi d’Martullo-Blocher als Frou is Rönne.

D’Hinterwäldler Zofige 2019
De Hugo Portmann chas sälber chum gloube,
denn är versprecht keni Banke me uszroube.
Ide Freiheit nömm im Knascht bechond är gotlob,
i üsere Schwiiz oni Problem grad en neue Job.
Als Ködermaa verdient är de eiget Lohn,
ond ide Cheschte gets Platz före Ueli Muurer sin Sohn.

De Schneider-Ammann macht Platz im Bondeshus,
Keller-Suter chont be dene Theme besser drus.
Es betzeli Jünger ond voller Energi,
esch wach und schloft ade setzige nöm i,
Derzue gets Subventione das esch de Börner,
of die lahmi Änte folgt en Chue met Hörner.

Frau Amherd het en riese Stress,
i erem Departement im VBS.
Ide Weschtschwiiz uf em Troppebsuech,
gets Sprochproblem es esch en Fluech.
De Kommandant verstoht nüd das esch en Clown,
Amherd esch en Name ond ned en Funktion.

Of em regionale Arbeitsamt,
nemmt de Roman Kichlberger Klinke id Hand.
Ha ne Job för euch dä macht secher Spass,
Es esch fascht wie bem Dontschtigjass.
I wot se ou secher net verletzte,
aber der müend im Piazza de Herus ersetzte.

S’achti Glöggli lüted scho,
d’Chender müend is Bettli go.
Mini Tochter het ned schlofe wöue,
de het si avo Schöfli zöue.
Doch die Schof send nöm of de Weid,
die send im Asylheim scho zerteilt.

De Kochschuellehrer die vegani Pride,
erklärt de Schüeler d’Ernährigspyramide.
Fröcht ond Gmües döfe der jo ned vergässe,
vo dene chöne der ganz en Hufe ässe.
Ond was der jo ned dörfet probiere,
düend mer för euch Halal markiere.

Strängubach het ke Metzgerei,
das fende mer zwe en Schweinerei.
För das muesch di is Auto setze,
ond is Städli of Zofige hetze.
Strängubach chasch en Metzg grad vergässe,
dörfsch jo ned emol me en Cervelat frässe.

Liebe Lüüt Zofige esch bont,
drom mache mer do chli Völkerkont.
D’Schwobe säge direkt was si wänd,
d’Italiäner rede gärn met de Händ.
D’Östricher erkennsch am Radler,
ond d’Schwiizer möche de Doppeladler.

Wenn jede d Umfahrige akzeptiert,
und Billag d’Rächnige rechtig adressiert.
Händ di höche Armeechefe keni Spese,
und Pöstler fiire nöm be de Vietnamese.
Jo wenn denn das alles goht,
de werd de Wermuth Ständerot.

Pauke Miggi + Ziggi 

S’ Bundeshuus het reagiert 
Und alli Pissoir abmontiert 
Denn die wähle klar und trocke 
Nur no söttig wo bim Schiffe hocke 

Es chont eus vor wene schlächte Fluech 
Jede wö hört dä schriebt es Buech 
Före Schneider-Amann, duet me en CD brönne 
Dä hett jo nie rächt läse chönne 

Das Fundamänt bim Pulvertorm 
Het’s Interesse gweckt das isch enorm 
Das ganze isch kei Aprilscherz gsii 
De Dräck vom Pulvertorm lauft ou dert drii 

Oni Verkehr cha nüt passiere 
I der Altstadt chame jetzt flaniere 
S’ Unternähme vom Heerus isch en Flop 
Ou de Gmeindrot Wigge macht en Boxestop 

Wills Gäld im Altersheim ned längt 
Het mis Grossi ane Lösig dänkt 
I verhacke eine, das chönt sich lohne 
Denn gits Sackgäld und chasch gratis wohne 

130 Johr tuet euses Spital scho stoh 
Sed denn herscht det es cho und goh 
Me planet s’nöchschte Fescht im Grosse-Root 
Für dä Tag wenn Franziska Roth denn goht 

Mer Schwiizer hend en Servela halt gärn 
Geisse-Fleisch und Schööfigs, liit eus färn 
E’ Lehreri vo Strängubach gseht das ned eso 
Die chonnt bestimmt ou usem Kosovo 

Im Bundeshuus tobt är jetzt au 
De Urkampf zwische Maa und Frau 
Zwösche de beide Schützegräbe 
Duet schiinbar der Wermuth läbe 

Die Schwoobe hend doch all en Knall 
Am liebschte spiele die jetzt ohni Ball 
De Jogi Löw tuet nömm a de Eier chratze 
Drom düend d’Schwobe a der WM patze 

Zwee Mexikaner die wärde suur 
En Dobu bout of ihrem Land e Muur 
Die Muur isch am Änd en gueti Idee 
So münd se d’Amis ned all Tag gseh 

De Heerus chöne mehr vergässe 
Z’ Afrika duet dä Zitronegras frässe 
Um d’Sozialchöschte e chli z’ spaare 
Chönnt dä no diräkt of Korea fahre. 

Bünzli
De Hitzesommer het ere zuegsetzt
se het sech e neue bsetzt oho
ohni Frau es neue Johr
be em esch das jetzt wörkli wohr oho
d’Helen Fischer het en neu Ma
eine wo ned singe cha
hät si doch e Bünzli gno
das wörde mer verstoh

En Akrobat e erem Bett
das esch das wo d’Helene wet
de spöut‘s kei rolle be dem Pörschtli
öb är het es chlises Wörschtli

Enenre andre Frou hets ou zue gsetzt
se esch jetzt ou so verletzt oho
de Lombardi het si nömme wöue
se cha eus no vöu verzelle oho
esch si äch es Tussi gsi
met dem Vertrag esch‘s verbi
se cha of die hendere stoh
s’Chröndli händ si gno

Jastina Doreen die händ mer gseh
eus tuet das öberhoupt ned weh
Jastina Doreen die esch jetzt flach
denn si chont us Spreitebaaaaach

Öpis neus gets jetzt in Bundes Bern
mer hoffe die sebe händ sech gärn
of de suechi nach de veränderig för das Land
Händ d’Froue jetzt eleige i de Hand

Bundeshuus oh Bundeshuus
das esch doch en Grus
Bundeshuus oh Bundeshuus
do chont wörklich niemer drus

D’Frou Amherd die esch begährt
d’Frou Keller die hets lieber ofem Täller
öb si äch chli besser Englisch chönd
als euse Bundespräsident

De Ueli Maurer tuet gärn chli si
hockt em Federal bemene Gläsli Wy
we gärn hätte mer, ou sones Glas
wär, spändiert üs jetzt ächt das Wär, Spä…

Mer stönd för Traditione gärn i
ond wörde gärn no chli Schwiizer si
es Poulet Wörschtli esch för eus passe
mer wörde gärn en rächti Cervelat gseh
se händ müeh met de Wörscht…..
Wörscht gänd so vell ztüe

Es Edelwiss, lege mer gärn a
Leider wänd das d’Lehrer nömme ha
met Trainerhose e usgang go
die Toble wörde das gschiter lo
mer händ müeh met de zyt……..zyt
das got eus zwyt

d‘Bünzli send doch stolzi Eidgenosse
händ früecher vor em Färnseh d‘ Nati gnosse
mer tünd üs vor velem verneige
doch secher nie de Doppeladler zeige
mer händ müeh met so seich…seich
das macht üs bleich

Es Bäumli händ sie welle pflanze
die Idee esch denn a ranze
sie händ es Bädli gfonde
ond das nach einige Stonde
unterhalb vom Pulverturm
si wänds ned öffentlech mache
schare zu die ganze Sache
denn si händ lieber Bsetzistei

Wenns d’Zofige wotsch es Taxi bueche
müesch nöme lang go sueche
mer händ jetzt eine meh
dä tuet de andere weh
welem sölle mer jetzt alüüte
mer händ höt alli gmietet
dass secher keine brieget
und‘s denn för alli rändiert

Ber Piazza louft ned alles rond
was händ äch die för ne Grond
Heerus de super Star
mer vermute ne en Sansibar
üebt er det för de neui Bachelor
so guet gset är ne us
för die meischte wär das en grus
mer scheckene lieber is Jungelcamp.